هااااي كيفكم قبل ما أبداء موضوعي حبيت أقول لكم سبق وإني عرفتكم على صديقتي اليابانية إيريكو وقلت لكم بعد إنو هي اللي تجيب لي المعلومات من اليابان بالصور طبعاً وهي تحب تتعرف عليكم وتقول هي راح تسوي إيميل خاص في أصدقاءها الأجانب وراح أعطيكم إياه المهم راح أقول لكم المعلومات اللي أعطتني إياها مع الصور إن شاء الله تعجبكم لإنها كلها جديدة ءأكد لكم .. أولاً راح أعرفكم على أسماء الشخصيات بالياباني ..
-فادي إسمة كائيدي روكاواKAEDE RUKAWA
-حسان إسمة هاناميتشي ساكوراجي HANAMICHI SAKURAGI
-سعد إسمة تاكينوري أكاجي TAKENORI AKAGI
-جواد إسمة هيساشي ميتسوي HISASHI MITSUI
-بدر إسمة ريوتا مياجي RYOTA MIYAGI
-ميسون إسمها هاروكو أكاجي HARUKO AKAGI, أماني إسمها أياكو AYAKO
-سامي من فريق الوثبة إسمة أكيرا سيندوه AKIRA SENDOH
المعلومات هي: أنو مين يتصور إنو سامي أو أكيرا يموت في فادي لدرجة إنو صديقتي تقول إنو سامي قضى يوم الفالانتاين مع فادي وأهداه هدية بعد وراح تشوفون الصور , بدر يحب جواد بس أخف شوي من فادي وسامي ، حسان يحب ميسون بس ميسون تحب فادي وبدر وسعد وسهيل يحبون أماني , راح يطلع بعدين بنت راح تصير صديقة جواد وراح تشوفون صورتها وبعد في الحلقات الجاية راح يقص حسان وميسون شعورهم وراح تشوفون الصور بعد , وتعرفون بعد إنو كانت نوادي كرة السلة في اليابان تعاني من نقص في اللاعبين فقاموا برسم مسلسل سلام دنك وبعد مالاقى نجاح كبير صارت ملاعب كرة السلة مملوءة بلاعبين .
أرجو إن الصور والمعلومات أعجبتكم ياريت تبدون رأيكم فيها وتوقعوا مني كل جديد من اليابان دائماً ..
على فكرة أحب تنادوني بإسمي الياباني ( هاروكو ) تعرفون ليش إخترت هالإسم لإن هاروكو اللي هي ميسون تشبهني كثيييررر خاصة بعد ما قصت شعرها وأنا على وشك وضع الموقع اللي صممته عن فادي في الشبكة راح اعلمكم إذ ا حطيته راح يعجبكم وراح أسمية ان شاء الله.www.rukawa-kaede.net
وعلى فكرة بعد أنا تعلمت اللغة اليابانية وصرت ماهرة فيها حتى في البيت أسمي نفسي هاروكو وأتكلم مع أمي بالياباني وأنا مستعدة أبداء أعطيكم دروس في اللغة اليابانية في المنتدى وموضوعي الجاي راح يتكلم عن فرق المغنين اليابانية وبالأخص فرقة دابامب da pump والمغنية الحلوة إيومي والمغنية أمورو, وفية مفاجئة بعد تنتظركم بمناسبة تسجيلي في هذا المنتدى الحلو .
بااااي ترقبوني دائماً وترقبوا مفاجاتي من اليابان .
